На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

Выкарыстанне мабільных міні-АЗС для лесанарыхтоўчай тэхнікі ў Быхаўскім лясгасе павысіла энергаэфектыўнасць і экалагічнасць

7 жніўня 2020

У Беларусі вялікая ўвага надаецца эканоміі і рацыянальнаму выкарыстанню паліўна-энергетычных рэсурсаў, у тым ліку светлых нафтапрадуктаў. Арганізацыі Магілёўскай вобласці праводзяць вялікую працу, якая вядзе да іх эканоміі і выкарыстання з максімальнай эфектыўнасцю, расказаў загадчык групы тэхнічнага забеспячэння Магілёўскага абласнога ўпраўлення па наглядзе за рацыянальным выкарыстаннем ПЭР Дэпартамента па энергаэфектыўнасці Яўген Мядзведнік.

Так, у ДЛГУ «Быхаўскі лясгас» з ростам аб’ёмаў вытворчасці паўстала неабходнасць у набыцці магутнай лесанарыхтоўчай тэхнікі – харвестэраў, фарвардэраў і інш. Адпаведна, узраслі і аб’ёмы спажывання паліва. Для эканоміі светлых нафтапрадуктаў былі распрацаваны арганізацыйныя мерапрыемствы. У прыватнасці, гаручае дастаўляецца прама да месца працы машын, паколькі тэхніка пастаянна знаходзіцца на дзялянцы. Гэта выключыла халастыя прабегі, што дазволіла істотна зэканоміць спажыванне паліва.

«Але як запампаваць паліва з транспартнай ёмістасці ў бакі машын? Напрыкладу, у бак харвестэраў змяшчаецца каля 200 літраў. Добра, калі машына абсталявана штатнай помпай для запампоўкі паліва. А калі не? Заліваць такі аб’ём уручную – дарагое задавальненне: тэхніка ў гэты час прастойвае, а магла б нарыхтаваць пару кубаметраў драўніны. Таксама магчымыя працёкі паліва, трапленне яго ў глебу, што наносіць шкоду навакольнаму асяроддзю. Для вырашэння гэтай праблемы Быхаўскім лясгасам былі закупленыя заправачныя модулі», – расказаў Яўген Мядзведнік.

Такія міні-АЗС запраўляюць поўны бак ўсяго за 5 хвілін. Усталёўваюцца на шасі аўтамабіляў УАЗ, што забяспечвае неабходную мабільнасць нават ва ўмовах бездарожжа. Усяго ў гаспадарцы 11 такіх мабільных заправак ёмістасцю 450 і 900 літраў.
Выкарыстанне на прадпрыемстве заправачных модуляў дазволіла зэканоміць у мінулым годзе 12,7 т у. п. (8,8 т.) дызельнага паліва, што складае 1,1% ад сумарнага спажывання ДТ у 2019-м. Як адзначылі ў лясгасе, акрамя мінімізацыі нанясення шкоды экалогіі, выкарыстанне заправачных модуляў спрашчае ўлік паліва, а адпаведна, зводзіць на нішто чалавечы фактар, выключае выпадкі крадзяжоў нафтапрадуктаў.