Ужо даўно зала раённага Цэнтра культуры і адпачынку не бачыла адначасова столькі шчаслівых жаночых вачэй. А калі б хто палічыў, колькі дзяцей выгадавалі гэтыя цудоўныя матулі, дык, бадай, тая лічба пераваліла б за тысячу. Бо напярэдадні Дня маці ва ўстанове культуры сабраліся тыя, хто бачыць сваё прызначэнне ў мацярынстве.
Павіншаваць іх прыйшлі старшыня і намеснік старшыні райвыканкама Павел Налівайка і Ганна Землянухіна. Ганаровымі граматамі раённага вы- канаўчага камітэта былі ўзнагароджаны Алеся Гамульская, Наталля Альховік, Таццяна Стэцюк. А ад раённай арганізацыі ГА “Беларускі фонд міру” памятныя падарункі атрымалі жанчыны, якія горда носяць ордэн Маці. І хоць з 66 узнагаро-джаных на ўрачыстасць змаглі прыехаць не ўсе, у бліжэйшыя дні віншаванні і падарункі атрымае кожная ардэнаносная матуля. І калі б 53 жыхаркі Асіпо-віччыны, што прысутнічалі на свяце, прывялі з сабой дзяцей, якім яны далі жыццё, усім бы не хапіла месца на сцэне: кожная выхавала па пяцёра і больш сыноў і дачок.
У гэты дзень віншавалі і матуль, якія гадуюць адораных дзяцей. Ад райарганізацыі ГА “Белая Русь” падарункі атрымалі Наталля Шаферава, Таццяна Аксіневіч, Іна Саладуха, Ганна Асадчая, Наталля Моцевіч, Людміла Абрамчык, Таццяна Мельнікава, Вольга Клепча, Таццяна Крэпская. Таксама на сцэну падняліся жанчыны, у якіх ха-піла любові не толькі на ўласных, але і на прыёмных дзяцей. 18 хлопчыкаў і дзяўчынак знайшлі прытулак у доме Валянціны Багаславец, 36 рабятам дала пуцёўку ў дарослае жыццё Раіса Шамак, 19 выхавала Таццяна Кушнярова. Юлія Сысой стала матуляй-выхавальнікам нядаўна — пераняла эстафету ад сваёй маці Галіны Жыла, якая выгадавала 19 сірот. Юлія сёння выхоўвае пяцёра прыёмных і трое родных дзяцей.
Безумоўна, са святам павіншавала матуль і старшыня раённай арганізацыі ГА “Беларускі саюз жанчын” Вольга Карчэўская, якая ўручыла памятныя падарункі маці, што нарадзі-лі 5 і больш дзяцей. Віншаванні прымалі 27 шчаслівых мнагадзетных жанчын. А Валянціна Зорына і Святлана Барадаўка яшчэ і пранеслі праз гады вернасць сваім “палавінкам”, з якімі ўвесь гэты час дэманструюць бязмернае каханне і адданасць адно аднаму. Днямі яны адзначылі “залатыя” вяселлі, а цяпер прымалі падарункі ад старшыні раённага аб’яднання прафсаюзаў Алены Паргачовай.
З замілаваннем сустрэлі гледачы і маладых матуль, якія паспяхова сумяшчаюць мацярынства з прафесійнай дзейнасцю і грамадскай работай. Творчыя і таленавітыя, яны ўласным прыкладам выхоў-ваюць у малодшага пакалення актыўную жыццёвую пазіцыю і мэтанакіраванасць.
Вельмі цёпла ўдзельнікі свята прымалі музычныя нумары, большасць з якіх выконвалі хлопчыкі і дзяўчынкі. I бачылі ў іх не артыстаў, а перш за ўсё дзяцей, да якіх — самыя пяшчотныя пачуцці.
Віноўніцы фэсту маюць розныя ўзрост, прафесіі, статус. Але ўсіх іх аб’ядноў-вае любоў да малых: цікаўных і свавольных, праца-здольных і гіперактыўных, гарэзлівых і абаяльных. Тых, дзеля каго яны і жывуць. Сярод жанчын можна было убачыць цяжарных, чаму матулі кожны раз бязмерна рады: даць пачатак новаму жыццю — вялікае шчасце. Нездарма паэт Сяргей Астроўскі назваў самай цудоўнай з усіх жанчыну з дзіцём на руках. А старшыня райвыканкама правёў аналогію: Радзіма і маці — не толькі аднаго роду, але і аднолькава святыя для кожнага чалавека.
Іна Заскевіч.
Фота Ніны Царык.
