Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
АСІПОВІЦКІ РАЁННЫ ВЫКАНАЎЧЫ КАМІТЭТ
Галоўная / Навіны / Навіны рэгіёну
24 ліпеня 2020

У Магілёўскай вобласці плануюць пачаць масавае жніво на наступным тыдні

У Магілёўскай вобласці плануюць пачаць масавае жніво на наступным тыдні. Пра гэта паведаміў першы намеснік старшыні Камітэта па сельскай гаспадарцы і харчаванні аблвыканкама Андрэй Кажамякін.

Ён адзначыў, што з улікам змененых кліматычных умоў у мінулым годзе ў рэгіёне была істотна перагледжана структура пасяўных плошчаў. Улічваючы практыку апошніх гадоў, якая сведчыць пра тое, што азімыя збожжавыя даюць большую ўраджайнасць, чым яравыя, павялічаны пасяўныя плошчы пад азімымі культурамі да 60% у структуры збожжавага кліну. У першую чаргу – пад азімае жыта. Яго пасевы павялічыліся ў 1,5 раза. Перш за ўсё, у раёнах, якія больш за ўсё пакутуюць ад засухі. Амаль у два разы павялічаны пасевы пад кукурузу на збожжа, і пасяўныя плошчы даведзены да 54 тысяч гектараў. У гэтым годзе ў паўтара раза больш пасеяна грэчкі.

«Зараз на палях вобласці даспявае нядрэнны хлеб і, па сутнасці, як кажуць у народзе, просіцца ў засекі. Практычна ўсе раёны ўжо прыступілі да выбарачнай уборкі. Разлічваем, што масавае жніво пачнецца на наступным тыдні.

Практычна ўсе сельгаспрадпрыемствы гатовыя да выезду ў поле. Для таго каб у аптымальныя тэрміны і якасна прыбраць вырашчаны ўраджай, у нас маецца 1159 камбайнаў. Сёлета набылі яшчэ 130 камбайнаў, выдзеленых па лізінгу для аграрыяў рэгіёна. У выніку самая высокая нагрузка ў рэспубліцы ў сярэднім на камбайн знізіцца з 300 да 270 гектараў. Разлічваем, што гэта дазволіць нашым аграрыям падчас уборачнай страды справіцца з пастаўленымі перад намі задачамі. Прыбраць своечасова хлеб, выканаць пастаўкі збожжа дзяржаве, засыпаць пад поўную патрэбу насенне, забяспечыць жывёлагадоўлю паўнавартасным зернефуражом, а лішкі рэалізаваць для ўласных патрэб», – падкрэсліў Андрэй Кажамякін.

Да спіса навін