Пачынаецца рамонт у будынку сярэдняй школы № 4

Распрацоўка праекта, закупка будматэрыялаў і іншыя падрыхтоўчыя задачы, без якіх не абысціся падчас рамонту ў будынку СШ №4, завершаны. Сёння ў школе ўжо пачаліся аднаўленчыя работы. Зараз усталёўваецца вежавы кран – гэта зойме амаль тыдзень. Пасля работнікі філіялу “Будаўніча-мантажны цягнік №761 на станцыі Магілёў” ААТ “Дарбудмантажтрэст” непасрэдна прыступяць да адначасовага дэмантажу старога і мантажу новага перакрыцця даху. І кожны, хто задзейнічаны ў рамонце, памятае: галоўная задача – зрабіць усё якасна і да 1 верасня.