10.10.2025

У Асіповіцкім раёне праводзіцца планавая вакцынацыя супраць ВПЧ-інфекцыі на бязвыплатнай аснове дзяўчынкам ва ўзросце 11 гадоў

Правядзенне прышчэпак ажыццяўляецца ў арганізацыях аховы здароўя па месцы медыцынскага абслугоўвання дзяўчынак (АУАП, паліклініка).

Для вакцынацыі выкарыстоўваецца бiвалентная вакцына "Цэкалiн" (вытворца Кітай), якая забяспечвае фарміраванне абароны супраць інфекцыі, выкліканай найбольш анканебяспечнымі 16 і 18 тыпамі ВПЧ, якія практычна ва ўсіх выпадках з'яўляюцца асноўнай прычынай рака шыйкі маткі ў жанчын. Схема вакцынацыі з выкарыстаннем вакцыны "Цэкалiн" прадугледжвае ўвядзенне двух доз з інтэрвалам шэсць месяцаў.

Прышчэпкі супраць ВПЧ-інфекцыі забяспечваюць фарміраванне доўгатэрміновай абароны з патэнцыйнай падтрымкай імуннай памяці, дазваляюць мінімізаваць рызыкі ўзнікнення анкалагічных захворванняў, звязаных з ВПЧ-інфекцыяй, забяспечваючы захаванне здароўя і якасці жыцця.

Вольга Мікановіч, намеснік галоўнага ўрача ЦРБ.