Адкрыты дыялог «Сіла Закона» пройдзе ў Магілёве 4 лістапада
Адкрыты дыялог па фарміраванні прававой культуры грамадства «Сіла Закона» пройдзе ў Магілёве 4 лістапада. Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі».
У працы маладзёжнай дыскусійнай пляцоўкі плануецца ўдзел больш за 200 чалавек. Гэта прадстаўнікі розных катэгорый моладзі з усяго Прыдняпроўскага краю: актыў БРСМ, навучэнцы, студэнты, рабочыя.
У дыялогу прымуць удзел начальнік галоўнага ўпраўлення ідэалагічнай работы і па справах моладзі Магілёўскага абласнога выканаўчага камітэта Кацярына Музычанка і першы сакратар Цэнтральнага камітэта ГА «БРСМ» Аляксандр Лук’янаў.
Экспертамі адкрытага дыялогу выступяць дырэктар рэгіянальнага цэнтра прававой інфармацыі Магілёўскай вобласці Наталля Станкевіч, ваенны камісар Магілёўскай вобласці Аляксандр Гарошкін, дэпутат Палаты прадстаўнікоў Нацыянальнага сходу Рэспублікі Беларусь Людміла Здорыкава, дэпутат Палаты прадстаўнікоў Нацыянальнага сходу Рэспублікі Беларусь Аляксандр Масяйкоў.
Падчас сустрэчы будуць абмяркоўвацца такія тэмы, як «Закон Рэспублікі Беларусь “Аб асновах грамадзянскай супольнасці”»; «Канцэпцыя нацыянальнай бяспекі Рэспублікі Беларусь»; «Аб змяненні Выбарчага кодэкса Рэспублікі Беларусь»; «Закон Рэспублікі Беларусь “Аб Усебеларускім народным сходзе”».
Месца правядзення – Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт». Пачатак а 14.00.