Больш за 80 работ студэнтаў Магілёўскага каледжа мастацтваў прадставілі на выставе ў Бранску
Выстава "Традыцыі і сучаснасць", прымеркаваная да Дня яднання народаў Беларусі і Расіі, адкрылася ў мастацкім музеі ў Бранску, паведамілі БЕЛТА ў прэс-службе Міністэрства культуры.
У экспазіцыі прадстаўлена больш за 80 студэнцкіх работ аддзяленняў выяўленчага мастацтва Магілёўскага дзяржаўнага каледжа мастацтваў і Бранскага абласнога каледжа мастацтваў. Выстава праводзіцца ў рамках мемарандума аб супрацоўніцтве двух каледжаў.
Старшыня бранскага аддзялення Саюза мастакоў Расіі народны майстар Расіі Аляксандр Хамрачоў заўважыў, што гэтыя работы зроблены на высокім узроўні і здзіўляюць і прафесіяналаў, і гледачоў. Паводле яго слоў, нашы мастацкія культуры аб'ядноўвае арнамент, які можна ўбачыць на ручніках.
Выстава прадоўжыць работу да 5 мая.