Фотавыставу "Наш Афон" прадставіў наведвальнікам абласны мастацкі музей Масленікава ў Магілёве
Выстава "Наш Афон" фотамастака Костаса Асіміса адкрылася 24 верасня ў Магілёўскім абласным мастацкім музеі імя П.В.Масленікава, паведамілі БЕЛТА ва ўстанове культуры.
Экспазіцыя стала вынікам змацаванага мемарандумам супрацоўніцтва магілёўскага музея і Бранскага абласнога мастацкага музейна-выставачнага цэнтра. Прадстаўленыя на ёй здымкі - амаль 300 работ - расказваюць пра святую гару Афон, якая ўжо амаль 40 гадоў застаецца галоўнай тэмай жыцця і творчасці вядомага майстра Костаса Асіміса.
"У свой час дзякуючы фатографу быў выратаваны і адрэстаўрыраваны ўнікальны старадаўні фотаархіў рускага Панцеляймонавага манастыра, у якім захоўваюцца рэдкія фота часоў нямецкай акупацыі, зробленыя ў той час іераманахам Васіліем, - расказалі ў музеі. - Менавіта Костас Асіміс аднавіў знакаміты здымак, на якім адлюстравана, як пры раздачы хлеба бедным манахам ля сцен манастыра таямнічым чынам з'яўляецца Прасвятая Багародзіца - у языках полымя ціхмяна прымаючая міласціну".
Жыхары і госці Магілёва з дапамогай здымкаў майстра змогуць пазнаёміцца з гісторыяй зараджэння і развіцця рускага манаства, а таксама акунуцца ў дзіўны свет жыцця Афона. Выстава прадоўжыцца да 18 кастрычніка.