Канькі, лыжы, цюбінгі: Магілёўская вобласць рыхтуецца актыўна праводзіць зіму
У Магілёўскай вобласці ідзе падрыхтоўка каткоў, трас і горак для катання на каньках, лыжах і цюбінгах. Пра гэта расказала дырэктар Магілёўскага абласнога навучальна-метадычнага цэнтра фізічнага выхавання насельніцтва Алена Марчанка .
«У гэтым сезоне ў нас запланавана абсталяванне ў рэгіёне 43 каткоў і 63 хакейных каробак. На гэты момант у вобласці працуюць 5 лыжных трас, рыхтуюцца да запуску цюбінгавыя схілы, - расказала яна. - Інвентара для пракату ў рэгіёне дастаткова: у наяўнасці ў нас больш як 2,2 тыс. пар канькоў і лыж. Усё гатова да старту масавага зімовага адпачынку жыхароў нашага рэгіёна. Засталося толькі, каб надвор'е не падвяло».
Ужо заўтра, 2 снежня, у Пячэрскім лесапарку пачне працаваць траса для сноўбардыстаў і гарналыжнікаў. Аматарам катання на цюбінгах давядзецца крыху пачакаць - ідзе фарміраванне снежнага пакрыцця. А горку для катання дзяцей тут абсталююць ужо да маючых адбыцца выхадных. Тутака ж, на базе спартовай школы «Спартак» можна будзе ўзяць у пракат лыжы і пакатацца. Яшчэ адна траса для лыжнікаў сфарміравана ў раёне стадыёна «Тарпеда». З 1 снежня таксама пачаў працаваць пракат лыжаў у «Космас-корце».
Як расказаў начальнік аддзела спорту і турызму Магілёўскага гарвыканкама Дзмітрый Лацянкоў , усяго ў Магілёве абсталююць 30 каткоў і хакейных каробак.