11 мая 2020
Магілёўская мытня пералічыла ў абласны бюджэт Br 50 млн
Першыя вынікі работы ў бягучым годзе падвялі ў мытні. У 1 квартале Магілёўскай мытняй у бюджэт пералічана больш за Br50 млн, паведамілі ў прэс-цэнтры ведамства.
Як адзначыў першы намеснік начальніка мытні Ігар Ціхенка, гэты паказчык больш чым на 15 % перавысілі лічбы аналагічнага перыяду мінулага года.
«Асноўным фактарам, які паўплываў на прырост плацяжоў, з’яўляецца павышэнне аб’ёму тавараў, якія ўвозяцца. Значнае павелічэнне адбылося па такіх таварах, як прадукты, якія выкарыстоўваюцца для кармлення жывёл, арганічныя хімічныя злучэнні, абутак, мэбля, пасцельныя прыналежнасці і іншыя», – адзначыў суразмоўца.