24 лютага 2022
Рух па паўднёва-заходнім абыходзе Магілёва плануецца адкрыць сёлета
Рух па паўднёва-заходнім абыходзе Магілёва плануецца адкрыць сёлета. Аўтадарога будзе ўзведзена па параметрах другой катэгорыі з дзвюма палосамі руху і пакрыццём з цэменту і асфальтабетону, – паведамілі ў прэс-службе Міністэрства транспарту і камунікацый.
На будаўнічым участку даўжынёй 12 км будуць пабудаваны два масты – праз рэкі Днепр і Вільчанка, а таксама пуцеправод праз чыгунку.
Кошт аб’екта – Br145 млн, праект рэалізуецца за кошт сродкаў рэспубліканскага бюджэту.
Заказчык будаўніцтва – РУП «Магілёўаўтадар», генпадрадчык – ААТ «ДСТ № 3», праекціроўшчык – ГП «Белгіпрадар».
Цалкам аб’ект будзе ўведзены ў эксплуатацыю ў 2023 годзе.