Студэнты Магілёўскай вобласці паўдзельнічаюць у будаўніцтве музея воінскай славы на буйніцкім полі
Студэнты Магілёўшчыны прымуць актыўны ўдзел у будаўніцтве музея воінскай славы на Буйніцкім полі. Планы на 2023 год і вынікі мінулага года абазначылі на пленуме рэспубліканскага саюза моладзі.
Валанцёрскі і студатрадаўскі рух, маладзёжныя атрады аховы правапарадку - да акцый добрых спраў летась падключылася амаль 9 тысяч школьнікаў і студэнтаў з усіх куткоў вобласці. У год міру і стварэння праца працягнецца - гэта дапамога адзінокім пажылым людзям, аднаўленне святынь і добраўпарадкаванне воінскіх пахаванняў. Асноўным аб'ектам гэтым летам стане будаўніцтва музейнага комплексу на Буйніцкім полі.
Аляксандр Саксонаў, першы сакратар Магілёўскага абкама БРСМ: «У працоўным семестры 2023 года лічба занятасці нашых хлопцаў будзе павялічана. І гэта не лічба дзеля лічбы. Наша асноўная задача - поўнасцю задаволіць патрэбнасці нашых дзяцей у працаўладкаванні. Таму што гэта і першае працоўнае месца, і першы зароблены грошык, гэта дысцыпліна, любоў да прафесіі, радзімы, да таго месца, дзе ты нарадзіўся і будзеш далей працаваць».