У аграгарадку Іскра Бялыніцкага раёна прайшоў урачысты пуск прыроднага газу
У аграгарадку Іскра Бялыніцкага раёна прайшоў урачысты пуск прыроднага газу. Пра гэта паведамілі ў прэс-службе ДВА «Белпалівагаз».
Работнікі газавай службы за тры месяцы пабудавалі амаль 14 км газаправода, блакітнае паліва прыйшло ў аграгарадкі Іскра і Ланькова.
У мерапрыемстве прынялі ўдзел член Савета Рэспублікі Нацыянальнага сходу Беларусі, генеральны дырэктар ДВА «Белпалівагаз» Аляксей Кушнарэнка, старшыня Бялыніцкага райвыканкама Васіль Захаранка, генеральны дырэктар РУП «Магілёўаблгаз» Аляксандр Палаеў. Разам яны запалілі сімвалічны факел, уручылі ганаровыя граматы і падзякі работнікам, якія ўдзельнічалі ў будаўніцтве газаправода.
Як адзначыў Аляксей Кушнарэнка, прыход прыроднага газу ў сельскія населеныя пункты павышае ўзровень жыцця насельніцтва і накіраваны на сацыяльна-эканамічнае развіццё рэгіёнаў. «Газіфікацыя жылля ў сельскай мясцовасці праводзіцца пры істотнай падтрымцы дзяржавы. У прыватнасці, указаныя населеныя пункты газіфікаваныя ў выніку рэалізацыі дзяржаўнай праграмы «Камфортнае жыллё і спрыяльнае асяроддзе». Сёлета па дзяржпраграме пабудавана 47 км газаправода, а з пачатку яе рэалізацыі – 372 км».
На 1 кастрычніка бягучага года працягласць сетак прыроднага газу ў Беларусі складае 63,8 тыс. км, газіфікавана 118 раённых цэнтраў і 115 гарадоў, 84 гарадскія і працоўныя пасёлкі, 3391 сельскі населены пункт, 1020 аграгарадкоў. Узровень газіфікацыі кватэр прыродным газам склаў 81,3%, у сельскай мясцовасці – 45,1%. Спажыўцамі прыроднага газу з’яўляецца каля 2,7 тыс. прамысловых і каля 7,2 тыс. камунальна-бытавых прадпрыемстваў.