У Дрыбіне старшынёй раённага выканкаму прызначаны Дзмітрый Чыгір

Учора ў вялікай зале Дрыбінскага райвыканкама адбылося паседжанне пазачарговай сесіі Дрыбінскага раённага Савета дэпутатаў пад старшынствам кіраўніка дэпутацкага корпуса Святланы Завідоўскай, падчас якога губернатар Магілёўскай вобласці Анатоль Ісачанка прадставіў новага старшыню Дрыбінскага раённага выканаўчага камітэта Дзмітрыя Чыгіра. Анатоль Міхайлавіч пажадаў Дзмітрыю Паўлавічу поспехаў у кіруючай пасадзе на карысць Дрыбінскага раёна і яго жыхароў, а таксама падзякаваў за добрасумленную работу Ірыне Стрэчын, якая да гэтага часу ўзначальвала наш раён.