У Магілёўскай вобласці з’явіўся першы тысячнік на адвозцы збожжа
У Магілёўскай вобласці з’явіўся першы кіроўца-тысячнік на адвозцы збожжа ад камбайнаў. Пра гэта паведамілі ў Магілёўскай абласной арганізацыі Беларускага прафсаюза работнікаў АПК.
Першым тысячнікам на адвозцы збожжа стаў 28-гадовы Арцемій Касцюкоў, кіроўца РУП «Вучгас БДСГА» Горацкага раёна. На сённяшні дзень ён перавёз 1050 т збожжа. Па выніках леташняй уборачнай кампаніі малады работнік таксама быў у перадавіках і перавёз за сезон больш за 3,8 тыс. т збожжа.
Па стане на 22 ліпеня ў рэгіёне прыбрана 18,1 тыс. га палёў, або 5% ад запланаванага. Намалоты склалі 60 тыс. т пры сярэдняй ураджайнасці 33 ц/га. На ўборцы ўраджаю задзейнічана амаль 1,7 тыс. сельскагаспадарчай тэхнікі, у тым ліку 997 камбайнаў. На палях працуе 701 кіроўца на адвозцы збожжа і больш за 1,6 тыс. механізатараў, з ліку якіх дзевяць – жанчыны.
Магілёўскі абласны выканаўчы камітэт