Вясёлыя гульні, мыльныя бурбалкі і спектакль пра піратаў: Магілёўскі абласны тэатр лялек адкрывае сезон
Магілёўскі абласны тэатр лялек запрашае 1 верасня на адкрыццё 47-га тэатральнага сезона. Гледачоў чакае не толькі спекталь, але і займальны паказ на пляцоўцы перад будынкам тэатра, расказалі ва ўстанове культуры.
Свята пачнецца за паўгадзіны да пачатку спектакля. Добры настрой і прыемныя эмоцыі дзецям і дарослым будуць дарыць вясёлыя аніматары, творчыя выступленні і гульнявая забаўляльная праграма. Парадуе прысутных і шоу мыльных бурбалак.
Затым гасцей запросяць у тэатр, дзе яны змогуць паглядзець "Прыгоды Джэка Вераб'я" - захапляючую гісторыю пра піратаў з неверагоднымі ператварэннямі і сапраўднымі бітвамі на шпагах. Галоўны герой казкі адправіцца ў новае марское падарожжа, з гумарам пераадольваючы ўсе цяжкасці. Паказ адбудзецца ў 18.00.