Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
АСІПОВІЦКІ РАЁННЫ ВЫКАНАЎЧЫ КАМІТЭТ
Галоўная / Навіны / Навіны рэгіёну
15 красавіка 2020

Вырошчванню маладняку ў Магілёўскім раёне надаюць асаблівую ўвагу

Жывёлаводы Прыдняпроўскага краю нарошчваюць пагалоўе жывёлы, а аб’ёмы малака сёлета плануюць павялічыць на 10 працэнтаў.

Вырошчванню маладняку ў ААТ «Кадзіна» Магілёўскага раёна надаюць асаблівую ўвагу. З гэтай мэтай тут пабудавалі два прафілакторыі, разлічаныя на 300 галоў. За два гады ў гаспадарцы не страцілі ніводнага цяляці. Захаванасць жывёлы складае 100 працэнтаў. У дапамогу жывёлаводам сёння і інавацыі, і вопыт мудрых настаўнікаў. Калі пашпарт жывёлы ў камп’ютары, яе жыццё як на далоні.

На ферме жывёла расфарміравана па секцыях. Гэта дае магчымасць больш старанна падыходзіць да рацыёну кармлення ў розныя перыяды жыцця жывёлы. Тонкасці малочнай справы даюць відавочны вынік. За апошнія 6 гадоў прадпрыемства дадае ў год парадку 10–15 працэнтаў да аб’ёму малака. Ільвіная доля рэалізуецца гатункам экстра.

Натуральна, чым больш малака і лепшая яго якасць, тым вышэйшыя даходы ўсіх работнікаў гаспадаркі. І перш за ўсё аператараў машыннага даення, ад якіх залежыць канчатковы вынік.

Каб цяляты давалі прыбаўленні, а каровы больш малака, жывёлаводы вобласці пераглядаюць тэхналагічную схему догляду жывёлы і думаюць, што яшчэ можна зрабіць, каб праца малочнай галіны стала больш эфектыўнай. У гаспадарцы «Цішоўка», напрыклад, купілі кухонны камбайн для кароў. Разумная тэхнікаробіць корм пажыўным і карысным.

Поспех малочнай справы – гэта, безумоўна, тэхналогія. Але яна без рук людзей – проста спіс правілаў.

Да спіса навін