9 лютага 2022
Высакаякасную насенную бульбу атрымліваюць на магілёўскай доследнай станцыі НАН
У лабараторыі мікракланальнага размнажэння бульбы РУП "Магілёўская абласная сельскагаспадарчая доследная станцыя Нацыянальнай акадэміі навук Беларусі" займаюцца атрыманнем аздароўленага насеннага матэрыялу бульбы. Аздароўлены матэрыял бульбы - гэта бульба, свабодная ад вірусаў. Тэхналогія вырошчвання вельмі працаёмкая. У бягучым годзе тут плануюць высадзіць каля 100 тыс. раслін, вырашчаных у прабірках, і атрымаць 10-15 т бульбы 1-га клубневага пакалення.