Урад абнавіў пералік праектаў будаўніцтва МТК
Урад абнавіў пералік арганізацый і інвестыцыйных праектаў па будаўніцтве (рэканструкцыі) малочнатаварных комплексаў. Гэта прадугледжана пастановай Савета Міністраў ад 2 верасня 2023 года нумар 579, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Дакумент уносіць змяненні ў дадатак да пастановы ад 20 студзеня 2023 года нумар 50.
У спісе па кожнай вобласці значацца дзесяць інвестыцыйных праектаў.
Згодна з папярэдняй пастановай, персанальная адказнасць за своечасовы ўвод у эксплуатацыю малочнатаварных комплексаў ускладзена на старшынь аблвыканкамаў і кіраўнікоў сельскагаспадарчых арганізацый.
Адкрытаму акцыянернаму таварыству "Белаграпрамбанк" прапанавана штомесяц прадастаўляць Міністэрству сельскай гаспадаркі і харчавання, Міністэрству фінансаў, Міністэрству эканомікі, аблвыканкамам інфармацыю аб агульнай суме крэдытаў, прадугледжаных дагаворамі, заключанымі ў мэтах фінансавання інвестыцыйных праектаў, сумах прадастаўленых крэдытаў і іх вяртання (пагашэння) у справаздачным перыядзе.
Пастанова ўступіла ў сілу пасля афіцыйнага апублікавання.