Азеляненне і добраўпарадкаванне

Міністэрствам прыродных рэсурсаў і аховы навакольнага асяроддзя аб’яўлены конкурс на лепшую кампазіцыю па азеляненні і добраўпарадкаванні тэрыторый юрыдычных асоб і індывідуальных прадпрымальнікаў.

Спаборніцтва вядзецца па наступных намінацыях:

– Абсталяванне месцаў кароткачасовага і масавага адпачынку грамадзян, зон адпачынку, абсталяванне дарог і іншых аб’ектаў.

– Добраўпарадкаванне тэрыторый населеных пунктаў, паркаў, сквераў, двароў.

Заяўкі на ўдзел прымаюцца Асіповіцкай інспекцыяй прыродных рэсурсаў і аховы навакольнага асяроддзя да 15 ліпеня.

Вынікі абласнога этапа конкурсу будуць падводзіцца 31 ліпеня, рэспублікан-скага — 31 жніўня. Для заахвочвання пераможцаў конкурсу ўстаноўлена па адной першай, адной другой і адной трэцяй прэміі ў кожнай намінацыі.

Дадатковую інфармацыю можна атрымаць па тэлефоне: 24-8-53.