28 июля 2026

На асіповіцкіх палях сабрана пятая частка ўраджаю

Пятая частка ўраджаю ўжо сабрана на асіповіцкіх палях па стане на ўчарашнюю раніцу, апрацавана 1 711 гектараў. Агульны намалот — 3 823 тоны. Сярэдняя ўраджайнасць — 22,3 цэнтнера з гектара.

Лідары па тэмпах уборкі — ААТ “ВязаўніцаАгра” — 29%, 1 170 тон, ААТ “ЖорнаўкаАГРА” — 28%, 1 462 тоны. Аднак у першай гаспадарцы невысокая аддача з кожнай нівы. А вось другая мае лепшы вынік і па ўраджайнасці — 29,7 ц/га. Нядрэнны гэты паказчык, а ён асноўны, і ў ААТ “Авангард-Ніва” — 26,2 ц/га.

На сёння ўжо цалкам убраны рапс. Агульны вал — 1 631 тона, з кожнага гектара сабралі 17,3 цэнтнера масланасення. На 100% справіліся сельгаспрадпрыемствы і з азімым ячменем. 2 229 тон, 21,3 ц/га — такія агульныя здабыткі. Лепшыя вынікі тут у ААТ “ЖорнаўкаАГРА” — 31,1 ц/га, “Авангард-Ніва” — 27,1 ц/га.

Азімага трыцікале ўбрана 283 гектары, 24%, 723 тоны, ураджайнасць культуры — 25,6 ц/га. Яравы ячмень: 344 га, 43%, 794 тоны, ураджайнасць — 23,1 ц/га. Таксама выйшлі камбайны ўжо і на палеткі з азімай пшаніцай.

Жніво працягваецца. Бягучы тыдзень абяцае быць эфектыўным.

osipovichi-region.by