Магілёўскія мастакі прымуць удзел у Міжнародным фестывалі мастацтва «Арт-Мінск». Паказ пройдзе ў сталіцы трэцім разам.
Больш за дзвесце ўдзельнікаў прайшлі нацыянальнае адборачнае журы, і сярод іх –магілёўскія мастакі Юрый і Леанід Несцерукі, скульптар Андрэй Вараб’ёў, ураджэнец Крычава Антон Вырва.
«Арт-Мінск» – значная падзея ў культурным жыцці Беларусі. Летась выставу ў сталічным Палацы мастацтва паглядзела амаль 25 тысяч чалавек. Традыцыйна ў фестывалі прымаюць удзел мастакі з усіх рэгіёнаў Беларусі, у тым ліку і з Магілёўшчыны.
Па ўмовах, мастакі прадстаўляюць свае новыя або нядаўнія працы. Выставу ў Палацы мастацтва плануюць адкрыць 20 лістапада.
