У Асіповіцкім раёне актыўна вядзецца работа па развіццю спартыўнага турызму. Спартыўны турызм ажыццяўляюць: ГУДА ОРЦТДіМ і ДУ ФСК «Алімпія».
З 2017 года кожную вясну праходзіць адкрыты чэмпіянат і першынство Рэспублікі Беларусь па гіравым спорце, адкрыты кубак г.Асіповічы па гіравым марафоне, які збірае атлетаў з усіх абласцей краіны, а таксама Расіі, Літвы і Украіны.
Пачынаючы з 1983 года, штогод, выключаючы 2020-ты, у першую суботу красавіка праводзіцца спартыўнае свята — традыцыйнае Асіповіцкі Міжнародны марафон, прысвечаны гадавіне вызвалення горада ад нямецка-фашысцкіх захопнікаў і памяці героя Савецкага Саюза генерала Мікалая Філіпавіча Каралёва. За гады правядзення Асіповіцкага Міжнароднага марафону яго галоўную дыстанцыю пераадолела каля 2 000 спартоўцаў і аматараў бегу з усіх куткоў Беларусі, а таксама блізкага і далёкага замежжа.
Штогод, па старой добрай традыцыі, на трасе каля стадыёна "Юнацтва" праходзяць спаборніцтвы матацыклістаў. Наш горад ужо другі раз за 3 гады прымаў удзельнікаў адкрытага Кубка Беларусі па мотакросе.
ГУДА ОРЦТіД і ДУ ФСК «Алімпія» распрацоўваюць і арганізоўваюць пешыя, водныя, веласіпедныя маршруты па раёне для навучэнцаў школ горада і раёна, а таксама для дарослага насельніцтва.
ФАК «Жамчужына» - гэта сучасны аздараўленчы комплекс, які ўключае ў сябе: плавальныя басейны (дарослы дзіцячы, аквазоны (дарослая, дзіцячая)), водныя атракцыёны, трэнажорная і фітнес залы, сауну сухой пары, більярд, настольны тэніс. Комплекс абсталяваны ўсім самым неабходным: рыштунак, які даецца ў пракат, трэнажоры, розныя канструкцыі і многае іншае. Тут знойдуцца заняткі для ўсіх узроставых катэгорый. Таксама на тэрыторыі комплексу функцыянуе сямейнае кафэ, касметычны кабінет.
