Творчы калектыў народнага тэатра Палаца культуры вобласці атрымаў перамогу ў міжнародным анлайн-конкурсе #Дзеці Святла BeVictory (г. Масква). Пра гэта паведамляецца на сайце ўстановы кудьтуры.
Гран-пры фестывалю ў намінацыі «Тэатр» калектыву ўручылі за спектакль-гульню для дзяцей па п’есе расійскага драматурга Рагіма Мусаева «Мяу, гаў і чык-чырык».
Аўтар музыкі, аранжыроўшчык – Аляксандр Нурыханаў.
Рэжысёр-пастаноўшчык, кіраўнік тэатра – Аліка Кускова.
У сваіх каментарыях эксперт фестывалю ў намінацыі «Тэатр» Аляксандра Краўчанка (дырэктар акцёрскага агенцтва «РодАрс фільм», актрыса, прадзюсар) напісала: «Спектакль падкупіў сваімі рознаўзроставымі і рознаўзроўневымі артыстамі, якія дзейнічаюць сумесна з адной мэтай – несці дзецям святло і дабрыню. Гэта сапраўды «народны» тэатр і «народны» спектакль, зроблены з любоўю для дзяцей і нават іх бацькоў. Вельмі мілы і не замылены драматургічны матэрыял, раскрыццё характараў персанажаў, прадуманыя вобразы і нават маленькі штрых – лятучы матылёк – усё гэта стварае суцэльны, гарманічны, добра адрэпеціраваны творчы прадукт, патрэбны і цікавы людзям. Поспехаў вам і вашай справе!»
