Натарыусы Магілёўскай вобласці ў чэрвені працягнуць кансультаваць бясплатна, паведамляецца на сайце Беларускай натарыяльнай палаты.
Рашэнне аб падаўжэнні акцыі па бясплатным кансультаванні грамадзян у выдаленым фармаце прынята для абароны насельніцтва ад магчымых рызык заражэння каранавіруснай інфекцыяй COVID-19 і захавання рэкамендацый па фізічным дыстанцыяванні.
На працягу чэрвеня грамадзяне могуць звярнуцца да натарыуса па тэлефонах натарыяльных кантор і натарыяльных бюро або з выкарыстаннем сродкаў відэасувязі (месенджараў skype, viber і г.д.) і атрымаць інфармацыю па пытанні, якое іх цікавіць.
Такая аддаленая кансультацыя з’яўляецца папярэдняй, дадалі ў Беларускай натарыяльнай палаце. У дачыненні да некаторых канкрэтных праваадносінаў поўная кансультацыя можа быць прадастаўлена толькі пасля ацэнкі натарыусам усіх наяўных абставінаў і неабходных дакументаў.
Актуальныя кантактныя тэлефоны, а таксама лагіны натарыяльных кантор і натарыяльных бюро ў месенджарах размешчаны на сайце Беларускай натарыяльнай палаты ў раздзеле «Знайсці натарыуса».
