На галоўную На галоўную
Напісаць ліст Напісаць ліст
Карта сайта Карта сайта
Рус
Бел
Eng
ГЕРБ РБ Асіповіцкі раённы выканаўчы камітэт

Рака Свіслач  Асіповіцкая ГЭС  Мемарыяльны комплекс Брыцалавічы  Алея Герояў Мемарыяльны комплекс Расохі Асіповіцкі райвыканкам
Рака Свіслач

У Магілёўскім абласным мастацкім музеі імя П. В. Масленікава пачынае працу выставачны праект «Дарогамі пленэра»

22 кастрычніка 2020

У Магілёўскім абласным мастацкім музеі імя П. В. Масленікава сёння пачынае працу выставачны праект «Дарогамі пленэра». Пра гэта карэспандэнту сайта паведамілі ва ўстанове культуры.

Праект прысвечаны памяці галоўнага захавальніка Дзяржаўнага мемарыяльнага гісторыка-мастацкага музея-запаведніка імя В. Д. Паленава Наталлі Мікалаеўны Грамолінай, якая пайшла з жыцця 18 кастрычніка. «Мудрая, жыццярадасная, таленавітая... Яна мяняла да лепшага кожнага, каму пашчасціла сустракацца з ёй, узаемадзейнічаць, гаварыць. Нават адна такая сустрэча станавілася яркай асабістай падзеяй», – расказалі ў музеі.

Музей-запаведнік «Паленава» і Магілёўскі мастацкі музей звязваюць даўнія сяброўскія сувязі, якія спрыяюць культурнаму супрацоўніцтву нашых краін. І вялікая заслуга ў гэтым належыць Наталлі Мікалаеўне. «У экспазіцыі «Дарогамі пленэру» спалучаюцца бліскучасць творчай ідэі, яркі каларыт, складаныя, мудрагелістыя сюжэты і знаёмыя многім маляўнічыя месцы», – адзначылі суразмоўцы.

Наталля Грамоліна нарадзілася 4 мая 1940 года ў Маскве. У 1964-м скончыла філалагічны факультэт МДУ імя М. В. Ламаносава па спецыяльнасці «Руская мова і літаратура». З 1970-га працавала ў музеі-запаведніку В. Д. Паленава, з 1990 па 2011-ы–на пасадзе дырэктара музея. У цэлым прысвяціла музею «Паленава» больш за 50 гадоў. Здолела абараніць тэрыторыю сядзібы ад катэджнай забудовы. Пры ёй сядзіба атрымала статус запаведніка, была ўсталявана ахоўная зона музея, зоны ахоўнага прыроднага ландшафту.

Узнагароджана медалямі ордэна «За заслугі перад Айчынай» II (2002 г.) і I (2012 г.) ступеняў, а таксама ордэнам Пашаны (2020 г.). Ганаровы грамадзянін Тульскай вобласці. Член Камітэта па культуры Грамадскай палаты РФ (2014-2017 гг.), член Прэзідыума Міжнароднага савета музеяў (ІКОМ Расіі, з 2019-га), заснавальнік Асацыяцыі музейных работнікаў рэгіёнаў Расіі.