У магілёўскім парку Падміколле адбылася акцыя «Хатка для птушак». Пра гэта паведамілі ў першаснай арганізацыі ГА «БРСМ» Вендаражскага вучэбна-педагагічнага комплексу дзіцячы сад – сярэдняя школа, якая выступіла арганізатарам праекта.
Як адзначылі суразмоўцы, ва ўстанове адукацыі сярод вучняў правялі спаборніцтва на самую лепшую шпакоўню. Найбольш цікавыя экспанаты – а іх 16 штук – атрымалi прапіску ў адным з самых любімых месцаў адпачынку магілёўцаў. Прымацоўвалi на дрэвы домікі для птушак самі дзеці.
