У Беларусі ў 13 раёнах дзейнічаюць абмежаванні на наведванні лясоў. Аб гэтым паведамляе БЕЛТА са спасылкай на сайт Міністэрства лясной гаспадаркі.
Абмежаванні ўведзены ў чатырох раёнах Мінскай вобласці: Барысаўскім, Стаўбцоўскім, Слуцкім і Старадарожскім. Таксама яны актуальны для Бераставіцкага, Воранаўскага і Лідскага раёнаў Гродзенскай вобласці і Магілёўскага, Клімавіцкага і Крычаўскага раёнаў Магілёўскай вобласці. У Брэсцкай вобласці абмежаванні дзейнічаюць у Бярозаўскім і Івацэвіцкім раёнах, а што датычыцца Віцебскай - у Чашніцкім.
Сачыць за данымі можна па размешчанай на афіцыйным сайце Мінлясгаса карце забарон і абмежаванняў на наведванне лясоў.
