Прэзідэнт Беларусі Аляксандр Лукашэнка павіншаваў Прэзідэнта Узбекістана Шаўката Мірзіёева з паспяховым правядзеннем канстытуцыйнага рэферэндуму. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў актыўную пазіцыю грамадзян краіны і прадэманстраваны імі выключна высокі давер праекту закона "Аб Канстытуцыі Рэспублікі Узбекістан". "Вынікі рэферэндуму, які прайшоў адкрыта, на дастойным арганізацыйным узроўні і ў поўнай адпаведнасці з нацыянальным заканадаўствам, сведчаць аб бясспрэчнай падтрымцы насельніцтвам праводзімай Вамі палітыкі, - гаворыцца ў віншаванні. - Перакананы, на аснове волевыяўлення народа пад Вашым непасрэдным кіраўніцтвам будзе прадоўжана паступальная работа па пабудове моцнай, незалежнай і квітнеючай дзяржавы".
Прэзідэнт пацвердзіў гатоўнасць пашыраць шматпланавае беларуска-ўзбекскае супрацоўніцтва, якое адпавядае агульным інтарэсам.
Аляксандр Лукашэнка пажадаў Шаўкату Мірзіёеву моцнага здароўя, шчасця і поспехаў у стваральнай дзейнасці на карысць Айчыны.
