У эканоміцы Беларусі ў лістападзе гэтага года было занята 4255,2 тыс. чалавек. Такая статыстыка апублікавана сёння на сайце Белстата, паведамляе БЕЛТА.
Раней гэта лічба складала 4264,7 тыс., у верасні было занята 4263,3 тыс. чалавек. Годам раней Белстат паведамляў пра 4307,1 тыс. занятых у эканоміцы. Гэта значыць дынаміка змяненняў хвалепадобная.
У лістападзе на работу было прынята 48 696 чалавек, звольнена - 54 793. Дадатныя суадносіны прынятых і звольненых работнікаў назіраюцца ў такіх сферах, як аптовы і рознічны гандаль; рамонт аўтамабіляў і матацыклаў; паслугі па часовым пражыванні і харчаванні; інфармацыя і сувязь; прафесійная, навуковая і тэхнічная дзейнасць; адукацыя; творчасць, спорт, забавы і адпачынак.
Усяго 62,6 працэнта склалі ў лістападзе суадносіны прынятых і звольненых у сферы будаўніцтва, 64,9 працэнта - у транспартнай сферы, паштовай і кур'ерскай дзейнасці, складзіравання. Таксама даволі прыкметна скарацілася колькасць занятых у сельскай, лясной і рыбнай гаспадарцы, у горназдабыўной прамысловасці.
