Узровень газіфікацыі ў Беларусі перасягае 83 працэнты. Аб гэтым заявіў намеснік міністра энергетыкі Дзяніс Мароз у прэс-цэнтры БЕЛТА.
"Адзін з важных напрамкаў, што развіваецца ў Беларусі для павышэння якасці жыцця насельніцтва, - гэта развіццё газавых сетак і падача газу насельніцтву. Беларусь з'яўляецца адной з самых газіфікаваных краін на постсавецкай прасторы, ды і ў цэлым у свеце. Узровень газіфікацыі ў нашай краіне перавышае 83 працэнты. Гэта вельмі высокі паказчык. І пры гэтым мы не спыняемся, а прадаўжаем развіваць тэму газіфікацыі. За 11 месяцаў 2024 года ў краіне пабудавана і ўведзена ў эксплуатацыю каля 700 км газаправодаў, газіфікавана прыродным газам каля 12 тыс. кватэр і домаўладанняў", - сказаў Дзяніс Мароз.
Паводле яго слоў, у працэсе газіфікацыі ў першую чаргу ўвага ўдзяляецца тым населеным пунктам, якія ўжо газіфікаваны. "Калі туды пададзены газ, мы імкнёмся да таго, каб у гэтым населеным пункце з'явілася як мага больш спажыўцоў, якія выкарыстоўваюць гэта паліва на патрэбы ацяплення і гарачага водазабеспячэння. Калі ў гэтым населеным пункце газу няма, тады прыярытэтам Міністэрства энергетыкі і энергазабеспячальных арганізацый з'яўляецца падача туды электрычнай энергіі, выкананне неабходных рэканструкцый для таго, каб у гэтых населеных пунктах выкарыстоўваць электрычную энергію на патрэбы ацяплення і гарачага водазабеспячэння", - адзначыў намеснік міністра.
