Знешнегандлёвы абарот тавараў і паслуг Беларусі склаў у студзені-маі 2023 года $38,4 млрд, павялічыўшыся ў параўнанні з аналагічным перыядам мінулага года больш як на $5 млрд. Аб гэтым сведчаць статыстычныя даныя, апублікаваныя на сайце Нацыянальнага банка, паведамляе БЕЛТА.
Сальда знешняга гандлю таварамі і паслугамі ў студзені-маі бягучага года склалася дадатнае ў памеры $164,5 млн.
Асноўны ўклад у фарміраванне прафіцыту ў знешнім гандлі па-ранейшаму ўносіла дадатнае сальда знешняга гандлю паслугамі, што склала ў студзені-маі 2023 года $1,2 млрд. Пры гэтым экспарт паслуг склаў $3,5 млрд, імпарт - $2,3 млрд.
Імпарт тавараў за студзень-май 2023 года склаў $16,8 млрд. Экспарт тавараў дасягнуў аб'ёму $15,8 млрд, павялічыўшыся адносна аналагічнага перыяду 2022 года на 13,5 працэнта, што сведчыць аб росце попыту на беларускія тавары за мяжой.
