Арганізацыю перавозак пасажыраў аўтамабільным транспартам ажыццяўляе Асіповіцкі філіял Аўтапарк №19 адкрытага акцыянернага таварыства «Магілёўаблаўтатранс» . Прадпрыемства абслугоўвае 28 прыгарадных і 16 гарадскіх маршрутаў. Штогод праводзіцца абнаўленне рухомага саставу.
Тэлефанізацыя раёна ажыццяўляецца Асіповіцкім занальным вузлом электрасувязі Магілёўскага філіяла РУП "Белтэлекам" . У раёне працуюць 2 аўтаматычныя тэлефонныя станцыі. Колькасць тэлефонных апаратаў, падлучаных да тэлефоннай сеткі агульнага карыстання, складае 23 862шт. На тэрыторыі раёна ўстаноўлена 50 вузлоў доступу для аказання паслуг шырокапалоснага доступу ў сетку Інтэрнет і інтэрактыўнага тэлебачання «Zala». Асіповіцкім занальным вузлом электрасувязі прадоўжацца будаўніцтва валаконна-аптычнай сеткі горада і раёна, у тым ліку прыватнай жылой забудовы.
Пераход на новую тэхналогію GPON дае карыстальнікам шырокія магчымасці: выбар любога тарыфнага плана (хуткасць падключэння да 100Мбіт/с), вызначэнне нумара, выбар любімай мелодыі замест стандартнага сігналу выкліку для абанента, які выклікае, і інш. З'яўленне аптычных тэхналогій азначае для абанентаў новую якасць зносін, новыя магчымасці для дыстанцыйнага навучання, развіцця бізнесу і правядзення вольнага часу.
Для юрыдычных і фізічных асоб уведзена новая паслуга "Відэакантроль", якая прадастаўляе абанентам доступ да ўстаноўленых камер відэаназірання.
Насельніцтву раёна даступны паслугі аператараў сотавай сувязі А1, Life, МТС.
Асіповіцкі ўчастак паштовай сувязі Бабруйскага рэгіянальнага вузла паштовай сувязі Магілёўскага філіяла РУП "Белпошта" ўключае 7 гарадскіх і 18 сельскіх, 2 перасовачных аддзяленняў сувязі. Прадпрыемства разам з паслугамі паштовай сувязі аказвае і іншыя паслугі: аплата мабільнай сувязі, прыём камунальных плацяжоў, аплата крэдытаў, рэалізацыя электронных картак, ксеракапіраванне, дастаўка падарункаў, продаж латарэйных білетаў. З'явіліся новыя віды паслуг: "Па шляху", "Паштовы кур'ер", адпраўленне простай пісьмовай карэспандэнцыі "1 клас", адпраўленне ўнутрырэспубліканскай паскоранай пошты і міжнароднай паскоранай пошты.
